環境與食物致敏原分類
在食物過敏的免疫反應中，IgE 抗體會將某些原本無害的食物（例如雞蛋）誤認為威脅，從而觸發過敏反應。
最常見的食物過敏原包括：牛奶、雞蛋、花生、樹堅果、甲殼類海鮮、魚類、小麥、大豆及芝麻。
牛奶
主要致敏蛋白包括 酪蛋白（Casein / Bos d 8）、α-乳白蛋白（Bos d 4） 及 β-乳球蛋白（Bos d 5）；其中 Bos d 8 屬較耐熱嘅蛋白，常與較持續或較明顯嘅牛奶過敏相關。
- 嬰兒：嘔吐、血便、濕疹、生長遲緩
- 兒童 / 成人：蕁麻疹、腹痛、氣喘、過敏性休克
Bos d 8（酪蛋白）陽性：必須避免所有奶類製品，包括芝士、乳酪及牛油
牛奶蛋白同山羊、綿羊等其他哺乳類乳品有一定過敏交叉反應，所以有啲人唔止對牛奶敏感，連其他動物奶都要一併留意。
如果懷疑自己對牛奶敏感，分子層面分析可以幫助分辨係較高風險嘅 casein sensitisation，定係較易改善嘅低風險反應。
吸入性過敏往往是引起全年持續症狀的主要原因。家居表面上係安全的「避風港」，實際上卻隱藏著大量過敏原——從浴室角落滋生的黴菌，到枕套內肉眼難見的塵蟎，無處不在。
最常見的室內過敏原包括塵蟎、動物皮屑、黴菌及蟑螂。
屋塵蟎
塵蟎係香港最常見嘅吸入性致敏原之一，特別容易引起全年性鼻敏感、氣喘、濕疹同夜間咳嗽。
主要致敏蛋白包括 Der p 1、Der p 2、Der p 10、Der p 23；其中 Der p 1 同 Der p 2 係最常見嘅主要分子標記，而 Der p 10 則屬 tropomyosin，較容易牽涉交叉反應。
- 口腔痕癢
- 蕁麻疹（風癩）
- 濕疹惡化
- 腹痛、肚瀉、嘔吐
- 鼻塞、流鼻水
- 喘鳴、氣促
🦐 你知道嗎？塵蟎與海鮮可以有交叉過敏反應！
部分對塵蟎過敏的人，進食蝦、蟹、龍蝦時可能出現口腔痕癢或蕁麻疹。這並非真正的海鮮過敏，而是 Tropomyosin 蛋白結構相似所致的交叉反應。
ApexHealth ALEX3 分子測試能精準區分：若 Der p 10（塵蟎）呈陽性，但甲殼類特異性蛋白（如 Pen m 1）呈陰性，代表可以安心進食海鮮，毋須無故戒口。
黴菌孢子
香港天氣潮濕，黴菌孢子可全年存在，特別容易喺浴室、冷氣機、牆身、窗框同潮濕角落出現。
- Alternaria alternata (鏈格孢菌)：出現戶外空氣及腐爛植物
- Aspergillus fumigatus (煙麴黴)：通常出現在浴室、冷氣機、牆身發霉
- Cladosporium herbarum (芽枝菌類)：通常出現在窗框、冷氣出風口位置
- Penicillium (青黴菌)：出現在發霉食物、潮濕牆角
主要致敏蛋白：
Alt a 1（Alternaria 主要致敏蛋白）
Asp f 1 / Asp f 2（Aspergillus 常見致敏蛋白）
Cla h 類相關蛋白（Cladosporium 相關分子）
Pen ch 類相關蛋白（Penicillium 相關分子）
黴菌過敏常見於吸入性過敏反應，症狀可以由鼻敏感、咳嗽、眼痕到氣喘不等；部分患者接觸後會即時發作，亦有人會延遲出現反應。
對於有哮喘或長期鼻敏感人士，黴菌致敏亦可能令症狀反覆加劇，尤其係季節轉變、潮濕天氣或室內通風不良時更明顯。
黴菌之間可能存在交叉致敏，而黴菌致敏亦常與其他吸入性過敏原同時出現，令症狀更複雜。
如果你長期喺潮濕環境下出現鼻敏感、咳嗽或氣喘，建議做 IgE 或分子過敏測試，釐清係對邊一種黴菌孢子真正致敏。
寵物皮屑
寵物過敏係香港相當常見嘅吸入性過敏原之一，貓同狗最常引起鼻敏感、眼痕、咳嗽同氣喘。
過敏反應未必一定要「摸到」寵物先出現，因為致敏蛋白可經皮屑、唾液同空氣傳播，即使只係短時間接觸都可以觸發症狀。
- 貓：Fel d 1 (最主要致敏蛋白，來自唾液及皮脂腺）
- 狗：Can f 1, Can f 5 (唾液、皮屑、尿液)
- 接觸寵物後幾分鐘內打噴嚏、眼紅
- 如哮喘患者可能出現氣促、胸悶
- 接觸後臉部或手臂出現紅疹
容易被忽略的交叉反應：貓皮屑 (Fel d 2, Albumin) 與豬肉！
部分對貓過敏的人，進食未煮熟的豬肉時，可能即時出現口腔痕癢。但高溫烹煮可破壞 Albumin 蛋白，熟透的豬肉通常可安全進食。
如果懷疑自己對貓、狗或者其他毛孩有過敏，分子測試可以幫你分清楚係主要致敏、交叉反應，定係真正高風險致敏原。
昆蟲毒液
昆蟲毒液過敏通常係由蜂、黃蜂或相關螫針昆蟲引起。對一般人嚟講，被螫後多數只係局部紅腫疼痛，但對已經致敏嘅人士，反應可以由大範圍紅腫擴展到呼吸困難、暈眩，嚴重時甚至可出現過敏性休克。
呢類過敏屬於即時性 IgE 反應，症狀通常喺被螫後數分鐘內出現，所以一旦曾經有嚴重反應，之後再被螫時風險可能更高。
主要致敏蛋白：
- 蜜蜂（Bee）：Api m 1
- 黃蜂（Wasp）：Ves v 5
- 其他相關毒液蛋白亦可參與致敏反應
- 螫針位置紅腫、痛楚、痕癢
- 腫脹範圍擴大
- 全身蕁麻疹
- 面部、嘴唇或眼皮腫脹
- 呼吸困難、喘鳴
- 頭暈、心跳加快
- 嚴重者可出現過敏性休克
蜜蜂與黃蜂毒液之間可出現交叉致敏，但兩者並唔係完全一樣，所以分子層面測試有助分辨究竟係對邊一類毒液真正致敏。
另外，部分對蜂毒有反應嘅患者，未來再次被螫時風險會更高，因此曾經出現全身性反應嘅人士，應由醫護人員評估是否需要隨身攜帶腎上腺素自動注射器（EpiPen）。