矯視基因
【激光矯視指南】LASIK vs SMILE vs SMILE PRO 大比拼 (2025最新分析) + 你要知嘅矯視基因風險！
5 月
相信好多睇緊呢篇文章嘅朋友，渴望擺脫眼鏡或者隱形眼鏡帶嚟嘅不便，但同時又對手術嘅安全性、效果、後遺症等等充滿疑問。LASIK、SMILE、定係最新嘅 SMILE PRO？係咪越新就越好？邊種先最啱自己？除咗度數、角膜厚度呢啲「硬件」要求，仲有冇啲「隱藏因素」要考慮？
呢篇文章會為你深入剖析目前常見嘅3種激光矯視手術，仲會揭示好多人都忽略咗，但又極之重要嘅因素，就係你獨一無二嘅 基因！呢篇文章除咗會為你詳細比較3大主流矯視技術，更會深入拆解一個潛在嘅遺傳風險——「角膜失養症」，以及點樣透過先進嘅 Avellino 矯視基因測試，為你嘅矯視之旅買個真正嘅安心。
激光矯視手術全方位比較：邊種最啱你？
首先，我哋嚟簡單比較一下 LASIK、SMILE, SMILE PRO 同ICL (植入式隱形眼鏡) 4種技術嘅主要分別。了解佢哋嘅原理同特性，係選擇適合自己方案嘅第一步。
比較項目(Feature) | LASIK (激光矯視) | SMILE (微笑激光矯視) | SMILE PRO (進階微笑激光矯視) | ICL (植入式隱形眼鏡) |
手術原理 | 掀開角膜瓣，用激光打磨基質層，再蓋回角膜瓣 | 激光喺角膜內製作微透鏡，經小切口取出 | 同 SMILE，但激光速度更快、能量更低、定位更準 | 植入式微型鏡片，放置於虹膜後方、自身晶體前方 |
切口大小 | 約 20mm (環狀切口) | 約 2-4mm (微創小切口) | 約 2-4mm (微創小切口) | 約 2.8-3.0mm (微創切口植入鏡片) |
手術時間 (每隻眼) | 約 10-15 分鐘 | 約 10-15 分鐘 (激光時間極短，約20-30秒) | 約 10 分鐘 (激光時間更短，約10秒內) | 約 10-20 分鐘 |
手術創傷 | 相對較大 (神經線切割較多) | 極小 | 極小 | 極小 (角膜影響輕微) |
恢復期 | 視力改善: 1天 內 穩定視力: 約1-3個月 | 視力改善: 1-2天 穩定視力: 約1-3個月 | 視力改善: 翌日通常已相當清晰 穩定視力: 約1-3個月 | 視力改善: 翌日通常已相當清晰 穩定視力: 約1-2星期 |
手術後乾眼情況 | 一般至較常見 | 較少 | 更少/輕微 | 極少 (因不影響角膜神經) |
適用近視度數 | 最高可達約 -10.00 至 -12.00 D | 最高可達約 -10.00 D | 最高可達約 -10.00 D | 最高可達約 -18.00 至 -20.00 D (甚至更高) |
適用散光度數 | 最高可達約 -5.00 至 -6.00 D | 最高可達約 -5.00 D | 最高可達約 -5.00 D | 最高可達約 -6.00 D |
適用遠視度數 | 可達約 +4.00 至 +6.00 D | 不適用 | 不適用 | 可達約 +10.00 D |
角膜厚度要求 | 較高 | 相對較高 (但少於同度數LASIK) | 相對較高 | 無嚴格角膜厚度要求 (但需足夠前房深度) |
可逆性 | 不可逆轉 | 不可逆轉 | 不可逆轉 | 可逆轉 (鏡片可移除或更換) |
手術費用參考 (相對比較) | ★★★☆☆ (3星) | ★★★★☆ (4星) | ★★★★★ (4.5星) 通常比SMILE略高 | ★★★★★ (5星) |
注意：以上數據及手術費用參考僅為一般性比較及大致市場定位，僅供參考之用。實際適用度數、手術時間、恢復期、潛在風險、確切費用及付款方式會因應個別眼科中心、推廣優惠、使用的儀器型號、外科醫生經驗及最重要的——病人獨特的眼睛狀況及健康而有顯著差異。任何矯視手術均有其潛在風險及併發症。在考慮任何手術前，務必諮詢專業眼科醫生，進行全面眼睛檢查及詳細評估，以確定最適合您的治療方案及獲取準確報價。本表格資訊不應取代專業醫療建議及個別診所提供的最新資訊。參考來源：Bowtie.com.hk, moneyhero.com.hk, 綜合各大眼科中心資訊及文獻概述。
揀邊種矯視技術先好？
點樣揀先好？
- LASIK: 技術成熟，適用範圍較廣（尤其高度數），價錢相對實惠。但因有角膜瓣，術後需小心護理，避免移位，乾眼風險亦較高。
- SMILE: 微創，大大減低乾眼風險，角膜穩定性較高，適合運動愛好者。但恢復期可能稍慢於 LASIK，適用度數範圍略窄。
- SMILE PRO: SMILE 的升級版，激光速度更快、更精準，手術時間縮短，視力恢復更快，眼乾風險極低，視覺質素更佳。當然，費用亦是最高。
睇落好似越新技術就越多優點？理論上係，但都需要因應眼睛情況, 除咗比較技術本身，一個更深層次、關乎長遠視力安全嘅因素，往往被忽略——就係你嘅基因！
你聽過「角膜失養症」同 TGFBI 基因嗎？
想象一下，你滿心歡喜做完矯視，視力回復清晰，但過咗一段時間，甚至幾年後，眼睛無啦啦開始睇嘢矇查查，角膜出現好似雪花咁嘅白點… 呢個可能就係「角膜失養症」(Corneal Dystrophy) 嘅警號！
角膜失養症係一類遺傳性眼疾，會令角膜唔同層面出現異常白色沉積物，導致角膜透明度下降，影響視力，好多時喺早期，患者係完全無任何症狀！有研究指出，大部分帶有角膜失養症基因變異患者，喺確診前都唔知道自己有問題。
而家重點嚟喇：幾種主要類型角膜失養症，都同一個叫 TGFBI (Transforming Growth Factor Beta-Induced) 嘅常見基因變異有關。呢個基因負責製造維持角膜嘅重要蛋白。如果基因變異會產生異常TGFBI蛋白，慢慢喺角膜不正常地慢慢累積，形成混濁嘅沉積物。令到你睇嘢越來越矇，最終導致角膜失養症 (Corneal Dystrophy)，例如顆粒狀角膜失養症第二型 (Granular Corneal Dystrophy Type II，又稱 Avellino 角膜失養症)。情況嚴重嘅話，視力會嚴重受損，甚至需要角膜移植！
如果你不幸帶有特定嘅 TGFBI 基因變異，即使你本身角膜睇落完全正常，激光矯視手術（不論你係做 LASIK 定 SMILE / SMILE PRO）就好可能會「觸發」或者「加速」呢種潛藏嘅病變！
單靠傳統嘅術前裂隙燈檢查，係好難完全排除呢個潛在嘅基因風險㗎！
【安心矯視方案】Avellino 矯視基因測試
矯視前嘅精準防護網
呢個測試就好似一份專為你眼睛而設嘅「基因體檢報告」，專門針對檢測常見 TGFBI 基因，已知主要角膜失養症相關嘅 5 種常見基因變異 (包括 R124H, R124C, R124L, R555W, R555Q)。呢5突變佔咗大多數已知引起角膜失養症問題嘅 TGFBI 突變。
點做測試？超級簡單！
- 過程簡單： 只需用棉花棒，喺口腔內壁輕輕刮幾下，採集少量口腔細胞樣本就搞掂，只需短短幾分鐘。
- 完全無痛：只需短短幾分鐘，可安坐家中都可以自己採樣。
- 結果： 將樣本寄回指定化驗所，大約 3 個工作天後就會透過電郵收到詳細報告。
點解 Avellino 矯視基因測試值得信賴？
國際認可，廣泛應用： Avellino 嘅技術已經喺進行咗超過 100 萬次測試，成功幫超過 2,100 人發現咗相關基因風險。呢個測試已經被韓國同日本各大眼科中心同醫院廣泛採用，係好多醫生推薦嘅手術前檢查項目！
高靈敏度 (Sensitivity) 同特異性 (Specificity)，結果可靠
點解矯視前做基因檢測咁重要？
你可能會諗：「又要做多個測試，係咪真係有必要？」
試諗下，一次激光矯視手術嘅費用由萬幾到幾萬蚊不等，係一筆唔細嘅投資。相比之下，Avellino 基因測試嘅費用只係佔手術總費用嘅一小部分。但呢個「小投資」，換嚟嘅可能係避免一場潛在嘅「視力災難」，以及無價嘅 「安心」。
做咗測試，你可以：
- 避免一場潛在嘅「視力災難」：
想像下，如果唔好彩「中招」，手術後視力越嚟越差，甚至永久受損，需要更複雜嘅治療甚至角膜移植，當中嘅身心痛苦同額外醫療開支，遠遠超過一個基因測試嘅費用。如果真係發現有高風險基因變異，你就可以同醫生商量，可能選擇唔做激光矯視，或者考慮其他唔會刺激角膜嘅視力矯正方案，從而避免誘發不可逆轉嘅併發症。
- 了解家族風險
角膜失養症係遺傳病，如果你檢測出有相關基因，你嘅直系親屬 (父母、兄弟姊妹、子女) 亦有機會帶有相同基因，可以提醒佢哋及早關注眼健康。
甚麼人士需要考慮做 Avellino 基因測試？
雖然呢個測試對所有考慮做激光矯視嘅人都係一個額外保障，但以下人士就更加建議考慮：
- 準備接受任何類型激光矯視手術嘅人士： 無論係 LASIK, SMILE 定 SMILE PRO。
- 有眼疾家族病史嘅人士： 如果直系親屬（父母、兄弟姊妹）有不明原因視力模糊、角膜問題、或者確診過角膜失養症。
- 關注手術風險，追求最大安心嘅人士。
做足準備，矯視自然更放心
決定做矯視，除咗揀啱手術方式同醫生，術前嘅全面評估同準備功夫同樣重要。
傳統嘅術前檢查（驗度數、角膜地圖、量厚度、眼壓、眼底檢查等）係必須嘅基礎。而 Avellino 矯視基因測試，就係喺呢個基礎上，為你加上一道針對「隱形」遺傳風險嘅 額外精密防護。佢就好似為你嘅矯視之旅，買多一份 「安心保險」。
隱藏喺基因中嘅角膜失養症風險，係一個不容忽視嘅因素。透過 Avellino 矯視基因測試，呢個簡單、無痛、準確嘅方法，你可以喺手術前就洞悉呢個角膜風險，作出最明智、最安全嘅選擇。花少少錢同時間，換嚟長遠嘅視力保障同心安，絕對值得！
想追求清晰視力，同時確保萬無一失？立即行動，了解更多關於 Avellino 矯視基因測試！
參考資料
- Chang MS, Jun I, Kim EK. Mini-review: clinical features and management of granular corneal dystrophy type 2. Korean journal of ophthalmology: KJO, 2023, 37.4: 340.
- CHEN, Min; XIE, Lixin. Features of recurrence after excimer laser phototherapeutic keratectomy for anterior corneal pathologies in North China. Ophthalmology, 2013, 120.6: 1179-1185.
- Wang, X., Ying, M., Fu, C., Wang, Y., & Li, N. (2017). TGFBI gene mutations analysis in Chinese families with corneal dystrophies. Molecular Medicine Reports, 15, 3198-3202.
- Hou YC, Wang IJ, Hsiao CH, Chen WL, Hu FR. Phenotype-genotype correlations in patients with TGFBI-linked corneal dystrophies in Taiwan. Mol Vis. 2012;18:362-71. Epub 2012 Feb 7. PMID: 22355247; PMCID: PMC3283208.
- 香港眼科醫學院 (College of Ophthalmologists of Hong Kong)
- Zeiss (蔡司) SMILE/SMILE PRO
[免責聲明 Disclaimer]
本文旨在提供激光矯視及相關基因檢測資訊作參考，並不能取代專業醫療建議。所有關於矯視手術及基因檢測嘅決定，請務必諮詢您嘅眼科醫生或相關醫療專業人士。本文引用嘅數據和研究可能隨時間更新，請以最新醫學資訊為準。
想知道更多有關健康資訊或獨家優惠？ 立刻免費訂閱緊貼網站或 Facebook等最新消息！