10 月
目錄
衞生署之前人口健康調查顯示，香港每兩個成年人，就有一個係超重或者肥胖。近年 GLP-1 受體促效劑（即係大家講嘅「減肥針 / 瘦瘦針」）成為咗好多人減肥嘅熱門選擇。
唔少人睇到上磅數字跌就覺得「成功在望」。但係磅數唔會話你知，減走嘅係脂肪定係肌肉？肝臟、腎臟、甲狀腺有冇隱藏風險？食少咗之後，營養素會吾夠？
血糖同胰島素：減磅效果監察第一道指標
GLP-1 最初係糖尿病藥，所以佢對血糖嘅影響最直接。糖化血色素（HbA1c） 反映過去大約三個月嘅平均血糖，空腹血糖同空腹胰島素就反映當時嘅血糖控制情況。
胰島素抵抗同體重管理好有關係 — 佢會令脂肪更難分解，特別容易積聚喺肚腩，仲會令你易攰、肚脹同心思思都想食甜嘢。透過驗血識別胰島素抵抗，可以幫到你同醫生判斷：減磅減得咁辛苦係咪同代謝有關，同埋 GLP-1 療程有冇改善到呢個根本問題。
血脂同 ApoB：心臟健康嘅隱形指標
體重過高會令身體更難清除血液中嘅低密度脂蛋白膽固醇（LDL），增加心血管風險。研究顯示，減去 5% 至 10% 嘅體重已經可以顯著降低三酸甘油脂、總膽固醇同 LDL 水平。
但除咗傳統嘅膽固醇數字，有一個更值得留意嘅指標：ApoB（載脂蛋白B）。ApoB 係附着喺 LDL 粒子上面嘅蛋白質，佢嘅水平直接反映血液中有幾多「會導致動脈斑塊積聚」嘅膽固醇粒子。醫學界普遍認為 ApoB 係評估心血管風險嘅血液指標之一。
GLP-1 療程期間，三酸甘油脂嘅降幅尤其明顯，往往可以達到 20% 或以上，ApoB 亦通常會下降。驗血追蹤呢啲指標，可以讓你見到體重管理對心臟健康嘅實際影響。
脂肪肝嘅無聲警號
大約四分之一嘅美國成年人患有代謝功能障礙相關脂肪性肝病（MASLD，前稱非酒精性脂肪肝），呢個情況同體重過高同胰島素抵抗有密切關係。喺香港，脂肪肝同樣係常見但容易被忽略嘅健康問題。
好消息係，透過體重管理同藥物治療，肝臟脂肪可以減少，甚至逆轉早期損傷。肝臟功能檢查——包括 ALT、AST、GGT、白蛋白、總蛋白等指標——可以反映肝臟嘅健康狀況，幫你同醫生了解體重管理係咪正在改善肝臟代謝。
重點檢查項目
✓ 甲狀腺功能評估
✓ 血糖及血脂分析
✓ 肝腎功能及電解質評估
✓ 快捷預約，醫護團隊跟進
建議給
年滿18歲、正在考慮或已開始體重管理的男士 / 女士而設。
腎功能：脫水係一個被低估嘅風險
GLP-1 常見嘅腸胃副作用——噁心、嘔吐、腹瀉——甚至可以導致脫水。而脫水會令腎臟承受壓力，短期內可能表現為肌酸酐上升同腎絲球過濾率（eGFR）下降。
FDA 已經要求所有 GLP-1 藥物加入腎損傷警告。有病例報告顯示，急性腎損傷可以喺用藥後 20 至 70 天內出現，部分患者本身已經有慢性腎病或者脫水情況。對於本身已經有腎功能問題嘅人士，呢個風險都需要正視。
驗血監測肌酸酐、eGFR、尿素、電解質（鈉、鉀） 等指標，可以及早發現腎功能嘅變化，避免脫水造成嘅影響演變成更嚴重嘅問題。
甲狀腺功能：建立健康基線的重要
GLP-1 藥物標籤有警告，話可能同甲狀腺 C 細胞腫瘤有關，所以有甲狀腺髓質癌或者 MEN2A 家族病史嘅人唔適合用。雖然大型研究綜合咗 15 個隨機對照試驗，發現呢類藥同甲狀腺癌風險冇統計學上嘅明顯關聯。
不過，療程前驗 TSH 同 Free T4 仍然值得，唔係因為風險高，而係要有個基線；而且甲狀腺功能本身都會影響新陳代謝同體重。建議檢查 TSH 同 Free T3 和T4，了解甲狀腺嘅基本狀況。
維他命及營養素
GLP-1 最直接嘅作用係抑制食慾，而當進食量大幅減少，微量營養素不足嘅風險會顯著上升。一項大型研究顯示，GLP-1 用家當中，發現維他命 D 缺乏係最常見異常 – 6 個月時發生率為 7.5%，12 個月時升至 13.6%。鐵質耗竭亦相當普遍，GLP-1 使用者嘅鐵蛋白水平比對照組低 26% 至 30%，而且超過 60% 嘅使用者鈣質同鐵質攝取低於建議量，維他命 D 攝取更只有建議量嘅 20%。
其他需要關注嘅營養素包括維他命 B12、葉酸、鎂、碘同鋅。有專家指出，因為使用者嘅 BMI 仍然偏高，營養不良嘅早期跡象——疲勞、肌肉無力、微量營養素缺乏——往往被忽略。
驗血監測維他命 D、B12、鐵蛋白、葉酸等指標，可以幫你及早發現缺乏，透過飲食調整或者補充劑嚟維持營養狀況。
【GLP-1 體檢專屬附加檢測】關鍵營養元素檢測
檢測項目包括：
- 維他命 B12
- 維他命 D
- 鐵蛋白
適合人士：
- 現正使用或正考慮使用 GLP-1 減重針劑 / 藥物人士
- 想在減重前建立完整微量營養素基準線人士
點解 GLP-1「減肥針」體檢對你咁重要？
GLP-1 體檢嘅價值在於建立一份清晰嘅健康基線。呢份基線可以幫到你同你嘅醫療團隊：
- 療程前：了解甲狀腺、肝腎功能、血糖血脂、營養狀況嘅起點
- 療程期間：監測營養素水平，及早發現缺乏；追蹤腎功能；評估體重下降嘅「質素」，區分減脂與減肌
- 出現異常時：有基線數據可以對比，判斷變化係短期波動定係需要處理
一份涵蓋甲狀腺功能、血糖血脂、肝腎功能、電解質同關鍵營養素（如維他命 B12、維他命 D3、鐵蛋白）嘅檢查，可以為體重管理提供更全面嘅參考。
ApexHealth GLP-1「減肥針」體檢，透過抽血檢查甲狀腺、血糖血脂、腎功能同電解質等關鍵指標，幫你了解體重管理期間嘅健康基線。檢查亦有針對維他命 B12、維他命 D3 同鐵蛋白嘅附加檢測選項，監測因食量減少可能出現營養缺乏的情況。
體重管理唔應該只靠估。有咗客觀數據，你同你嘅醫生、營養師或者健身教練就可以更有依據咁討論下一步應該做咩、留意咩。
常見問題
需要。療程期間嘅驗血可以監測營養狀況、腎功能同代謝指標嘅變化，尤其如果你出現明顯嘅食慾下降或者腸胃副作用。
部分檢查項目（如血糖、血脂）需要空腹 8 至 12 小時，具體要求可以向醫護團隊查詢。
一般化驗報告需時7個工作天，具體時間可以向醫護團隊查詢。
本文內容僅供參考，唔構成醫療建議。任何體重管理藥物均屬處方藥物，係咪適合使用必須由香港註冊醫生根據個人健康狀況評估後決定。如有任何健康疑問，請諮詢你嘅醫生或者專業醫護人員。
想知道更多有關健康資訊或獨家優惠？ 立刻免費訂閱緊貼網站或 Facebook, Instagram 等最新消息！
本文章內容由(醫療健康資訊團隊)提供並只供參考，不代表ApexHealth 立場，ApexHealth 對任何人因使用或誤用任何信息或內容，或對其依賴而造成的任何損失或損害，不承擔任何責任。
服務項目或優惠如有修改，恕不另行通知。如有爭議，ApexHealth保留最後決定權。